بورسعيد‮:‬‮ ‬فاتن الشعباني

بأحد المنازل الخشبية القديمة بشارعي المنيا والسواحل تقيم أسرة أم هاشم علي كامل زوجة محمد حجازي ببورسعيد منذ‮ ‬17‮ ‬عاما بعد أن تركت الصعيد،‮ ‬وحاورت‮ ‘‬آلأسبوع‮’ ‬الأسرة ودار الحوار ببساطة شديدة‮.‬
تقول رية طلعت علي السيد سلمان‮ ‘‬40‮ ‬عاما‮’ ‬ربة منزل‮ (‬والدة أم هاشم‮) ‬كنا نعيش في قرية‮ (‬أبوان‮) ‬مركز مطاي محافظة المنيا،‮ ‬وعندي خمسة أبناء وأم هاشم بنتي الوحيدة وترتيبها الأولي وبعدها أربعة صبيان‮.. ‬محمد في ثالثة كلية آداب المنيا وأحمد في ثالثة‮ (‬ثانوي تجاري‮) ‬ومصطفي‮ (‬أولي إعدادي‮) ‬وخالد‮ (‬5‮ ‬سنوات‮) ‬واسمها الحقيقي في ورق الحكومة‮ (‬أم هاشم علي كامل‮) ‬ولكننا في البيت ننادي لها‮ (‬زينب‮).. ‬وبنتي كانت متحفظة ومحجبة وكانت تصلي ولا تترك فرضا وكانت خجولة جدا لدرجة أنها كانت لا تسلم علي الشباب ولا تخرج من البيت أبدا ولا حتي للتسوق مثل زميلاتها‮.. ‬إلي أن ذهبت لمعهد الخدمة الاجتماعية ببورسعيد وفي آخر سنة تعرفت علي الشاب محمد حجازي واتصلت بي في عيد الأم وقالت لي فيه شاب عايز يتقدم لي‮.. ‬قلت لها احنا من الأرياف ولما تخلصي دراستك تيجي بلدنا هنا وربنا يسهلك وتشتغلي وأي شاب يتمني ياخدك

‮.. ‬وجاء محمد حجازي لابيها في بورسعيد لأن أباها‮ ‬يعمل في بورسعيد منذ‮ ‘‬16‮’ ‬عاما في محل خردة‮.. ‬ورد أبوها وقال له هات أهلك وتعالي اتقدم فطبعا أمه وأبوه كانا‮ ‬رافضين‮.. ‬ولكنهما كانا متعلقين ببعض‮.. ‬المهم ربنا سهل واتجوزوا في بلدنا وعملنا لهم فرح فضل ثلاثة أيام‮ ‬وحضر فيه أصدقاء محمد حجازي واتجوزوا علي سنة الله ورسوله أمام الناس كلها والكلام ده كان في منتصف شهر أغسطس من السنة اللي فاتت وسافروا إلي القاهرة وعاشوا في شقة متواضعة بمساعدة مالية من زملائهم‮.. ‬وقلت لها عايزة أزورك يازينب قالوا انهم واخدين شقة مشتركة وفيه واحدة ساكنة معاهم وقالت لي زينب لما حالتنا تتحسن هيبقي لنا شقة لوحدينا وأنا هاشتغل ومحمد هيشتغل‮ … ‬هنبقي نتصل بيك علشان تيجي‮.. ‬وكانت زينب يا دوبك مخلصة المعهد‮.. ‬وفضلنا علي اتصال ببعض وبعدين قالت إن محمد اشتغل في قناة فضائية‮ (‬A.R.T‮) ‬وبياخذ مرتب‮ ‬300‮ ‬جنيه ومش عايز يخليني اشتغل‮ ‬غير في شغلة محترمة‮.. ‬وفضلوا عايشين كده‮.. ‬ولما جم زارونا قبل عيد الأضحي في البلد بعشرة أيام وقعدوا أسبوع عندنا والناس كلها شافتها ولففتها البلد علي قرايبنا‮ ‬وعيلتنا كلها‮.. ‬وفضلنا علي اتصال نطمن عليهم من وقت للتاني،‮ ‬وعشان أبوها بيشتغل في بورسعيد جيت من البلد في زيارة لبورسعيد يوم‮ ‬2007‮/‬7‮/‬12‮ ‬وكنت علي اتصال بيها وفي آخر مرة قالت لي محمد عازمني في مطعم للاحتفال بعيد جوازنا وبعدين رايحين السينما قلت لها كل سنة وانتم طيبين‮.. ‬فردت وقالت لي يا أمة هتنازلي البلد امتي علشان عايزين ننزل البلد بعد أسبوعين عندكم علشان نزوركم قلت لها علي أول أسبوع في الشهر الجديد وهاتصل بيكو وأقولك،‮ ‬وبعد ثلاث أيام اتفاجئنا بالخبر المنشور في الجرايد زي كل الناس‮.. ‬فاتصلنا بيها علي تليفونها المحمول وجدناه‮ (‬غير متاح‮) ‬واتصلنا علي تليفون زوجها‮ (‬غير متاح‮) ‬ومقدرناش نكلمها خالص‮.‬
وتضيف والدة أم هاشم‮.. ‬المحامي هاني الجبالي فات علي أبوها في المحل اللي بيشتغل فيه وقال له تعالي لي المكتب علشان فيه خبر وحش عايز اتكلم فيه معاك وبلغه بخبر التنصير ولما علمنا لم ننم وكنا بنكلم أنفسنا ونقول ليه كده يا زينب احنا معملناش فيك حاجة وحشة وعلمناك أحسن تعليم وعملنا لك أحسن فرح محترم وأبوك صرف عليك ولم نقصر في أي شيء‮.. ‬أمك بتقولك لك ارجعي يا زينب‮ ‬وإن كان مضغوط عليكم أو‮ ‬غروكم بالفلوس ارجعي برضة وخذي اللي انت عايزاه وهنأكلك الشهد‮.. ‬ارجعي معززة مكرمة علي دين الإسلام واللي في بطنك ده هنربهولك أحسن تربية‮.. ‬اخواتك هيضيع مستقبلهم ومش قادرين يبصوا في وش زملاتهم في البلد وأهل البلد وزعوا منشورات وقالوا لينا متجوش البلد‮ ‬غير وزينب معاكو واحنا عايزينها بيننا مسلمة موحدة بالله وولاد خالك وولاد عمك وكل القرايب زعلانين وبيقولو لك متخفيش يا زينب محدش هيكلمك طالما ترجعي علي دين الإسلام وعلي سنة محمد‮ (‬صلي الله علي وسلم‮) ‬وهنعملك فرح في البلد وان كان محمد جوزك هيفضل علي الدين المسيحي احنا عايزينك انت بس في وسطنا‮.. ‬ارجعي علشان خاطر اخوكي خالد الصغير لما شاف صورتك في الجورنان قعد يشد في شعره ويعيط ويقول أنا عايز أختي لأني مش عارفة مين قال له اختك ماتت قال لي يا أمة عايز أختي زينب‮.. ‬ماليش دعوة‮.. ‬باسترجاكي يا زينب ربنا يحنن قلبك علي أمك واخواتك وانت بنتي الوحيدة وأنا مش بانام ليل ولا نهار ولا هاقدر أرجع البلد خوفا من أهل البلد وكدة هنسيب كل حاجة ودارنا‮.. ‬وارضنا عشانك‮.‬
وأمام بكاء أخو‮ (‬أم هاشم‮) ‬خالد ‮٥ ‬سنوات اللي عايز يكلم زينب ويقول لها‮.. ‬تعالي يا اختي وحشتيني أوي وعايز أشوفك بحبك خالص‮.. ‬أنا كل يوم باحلم بيكي‮.. ‬تعالي وهات لي معاكي لعب كتير ومسدس وأنا كنت بكلم المس في الحضانة وباقول لها ان زينب اختي هتيجي علشان تسلم عليكي وتاخذني من الحضانة بس انت مش عايزة تيجي‮.. ‬ولما كلمتك في التليفون آخر مرة سألتك هتيجي أمتي علشان استناك وتاخديني في حضنك قلت لي قريب ورحتي مجتيش‮.. ‬برضه هاستناكي علي طول وان كان جوزك محمد وحش سيبيه وتعالي انت يا احسن اخت في الدنيا‮.‬
ويقول الحاج علي كامل علي‮ ‬50‮ ‬سنة والد أم هاشم احنا مسلمين وموحدين بالله وبنصلي وبنعرف ربنا‮.. ‬وأنا رحت عملت بلاغا في أمن الدولة في القاهرة وقلت لهم أنا عايز بنتي مسلمة ومحجبة ومؤمنة بالله وهي كانت بتقرأ في المصحف وتلبس محتشم وهي عارفة أبوها كويس وحنين عليها ورباها وعلمها من عرق جبينه‮.. ‬وبصراحة لما رحت أمن الدولة يوم الاثنين‮ ‬2007‮/‬8‮/‬13‮ ‬عاملوني أحسن معاملة أنا واخوها محمد وأخذوا كل بياناتنا وأرقام تليفوناتنا وسألونا شوية أسئلة‮.. ‬وقالوا لي انت كدة تمام وأول ما نتصل بيك تعالي علي طول‮.‬
ويضيف‮ (‬والد أم هاشم‮) ‬أنا حررت توكيلا لأحد المحامين ليرفع دعوي تفريق بين ابنتي وزوجها محمد حجازي الذي‮ ‬غير ديانته إلي المسيحية،‮ ‬وأنا وامها اتصلنا بها بعد ما نشر في الجرايد عن خبر تنصرها ولكنها أكدت لنا بأنها مسلمة وبعد ذلك فوجئت بأن تليفونها المحمول مغلق علي الدوام ومن الممكن أن تكون هناك جهات مجهولة اختطفت‮ (‬أم هاشم‮) ‬وتتحفظ عليها في مكان‮ ‬غير معلوم‮.. ‬وأقول لها ارجعي إلي منزلك وأهلك ومتخفيش وإذا كنت بتتعرضي لمصاعب مالية أو عايزة فلوس عودي إلي المنزل وهتاخدي كل ما تريدين‮.‬
ويقول أحمد محمد كامل دبلوم صناعي ويعمل بمصنع كرتون ببورسعيد وابن عمها ما حدث من تنصير لابنة عمي أم هاشم هو عار علي الصعايدة وعلي الإسلام كله ولن يرتاح لنا بال إلا إذا وجدناها ومن أول ما علمنا بالخبر واحنا بنطوف في شوارع القاهرة نبحث عنها أنا واخوها محمد واحنا عايزنها ترجع لنا بين أسرتها وفي وسط أهلها وقرايبها ومش عايزينه هو‮ (‬يقصد زوجها محمد حجازي‮). ‬وكان هاني الجبالي قد تقدم ببلاغ‮ ‬إلي النائب العام وكيلا‮ ‬عن أحمد عبده حجازي بالتوكيل رقم‮ ‬3397‮ ‬رسمي عام ببورسعيد ضد السيد ممدوح نخلة المحامي مدير مركز الكلمة لحقوق الإنسان وضد السيد بيتر عبده المقيم بمنطقة الرشاح بالمطرية،‮ ‬ويقول هاني الجبالي إنه رغم تنازل ممدوح نخلة عن قضية حجازي إلا أنني مازلت أتهمه في بلاغي للنائب العام لأنه تعامل مع القضية بشكل طائفي وليس علي نحو حقوقي أو قانوني‮.. ‬ودليل ذلك أنه صرح في أول يوم في الصحف بأن لديه‮ (‬1000‮) ‬حالة أخري مماثلة لحالة حجازي وأم هاشم وهذا تصريح من شأنه أن يثير فتنة وله ملامح طائفية‮.. ‬وكفانا حديثا في وسائل الإعلام عن تلك القضية التي ابتلعت كل القضايا المصيرية الأخري للوطن مثل قضايا العطاشي والتعذيب في أقسام الشرطة وبيع البنوك والنهب المنظم‮. ‬وعلم محمد يوسف مصطفي أحد أصدقاء محمد حجازي المقربين عن مكان جمعية‮ (‬بيت إيل‮) ‬التي تم تنصير محمد حجازي من جهتها وقال اكتشفنا مكان هذه الجمعية بالمطرية وان هذه الجمعية يعمل بها شباب مسيحي‮ ‬ولما سألت أحد المسيحيين عنها قال لي إن اسم الجمعية‮ (‬بيت إيل‮) ‬اسم ماسوني كما أنني سمعت أخبارا‮ ‬غير متأكد منها أن بعض الشباب عملوا جبهة للدفاع عن‮ ‘‬حجازي‮’ ‬اسمها‮ (‬شباب ضد التمييز‮) ‬وهم من القاهرة ويقود هذه العملية شاب يدعي فتحي فريد‮.. ‬ويضيف وأعتقد أنهم يخططون ل‮ ‘‬حجازي‮’ ‬بالسفر إلي إحدي الدول الأجنبية خارج مصر‮.‬

مواضيع متعلقه

التنصير مقابل المال بابو زعبل بالقاهره

التنصير وصل كليه البنات بالقاهره

التنصير فى جامعه حلوان علنى

جمعية‮ تنصر بمصر (‬بيت إيل‮) نصرت حجازى

التنصير بجزيره الدهب بالقاهره

الاماكن المستهدفه بالتنصير فى مصر

الكنيسة المصريه تنشئ جامعة مسيحية

بلاغ ضد شنوده وساويرس والازهر لتفاقم التنصير

حوار الدكتور اسلام عن اباطره التنصير

اسلم وفضح مخطط نصارى مصر لذبح المسلمين

اسلمت بمصر فهددها اهلها بالذبح بميدان عام